शिवश्री पुरुषोत्तम खेडेकर साहेबांनी १ सप्टेबंर १९९० रोजी जिल्हा अकोला येथे मराठा सेवा संघाची स्थापना केली. सुरुवातीला मुठभर लोकांना घेवुन दलित बहुजन समाजाच्या प्रश्नासाठी आवाज उठविला. याच मराठा सेवा संघाला माननारा मोठा वर्ग तयार झाला. पुढे काळानुरूप विविध कक्षाची स्थापना या संघटनेच्या माध्यमातून करण्यात आली. एकूण ३३ कक्ष सध्या कार्यरत आहेत. सळसळत्या रक्ताच्या तरुणांसाठी संभाजी ब्रिगेड हा कक्ष स्थापन करण्यात आला तर महिलांसाठी जिजाऊ ब्रिगेड हा कक्ष स्थापन करण्यात आला. शिक्षकांसाठी भाऊसाहेब पंजाबराव देशमुख शिक्षक परिषद, विद्यार्थ्यांसाठी वीर भगतसिंग विद्यार्थी परिषद, पत्रकारांसाठी तानुबाई बिर्जे पत्रकार कक्ष, राजकीय भूमिकेसाठी शिवराज्य पक्ष, साहित्यिकांसाठी संतसूर्य तुकाराम साहित्य परिषद आदी विविध कक्षाच्या माध्यमातून सेवा संघ विधायक काम करत आहे.

मराठा उद्योजक विकास आणि मार्गदर्शन संस्था महाराष्ट्र ही २०१८ डिसेंबर ला रजिस्टर झाली.संस्थेचे कार्यालय मराठा सेवा संघ बिल्डिंग, मॉ जिजाऊ मार्ग सहकारी हास्पीटलच्या मागे सांगली येथे आहे. मुख्य कार्यालय मराठा सेवा संघ बिल्डिंग, सुर्वेनगर नागपूर येथे आहे. महाराष्ट्रातील ३६जिल्ह्यात संगठन कार्यरत आहे.

सकल मराठा आणि बहुजन समाजातील उद्योगा संबंधी मार्गदर्शन करणे, सेमीनार, कॉन्फरेन्स, आयोजित करणे. उद्योगातील अडि-अडचणी विषयी पाठपुरावा करणे हे संघटनेचे मुख्य कार्य आहे.